Пирĕн класс

        Эпĕ  6-мĕш класра вĕренетĕп. Улттăмĕш классем пирĕн шкулта  иккĕ. Пурте вĕсем пĕрремĕш хутра вырнаçнă. Пирĕн класра вун тăватă ача, вĕсенчен сакăр арçын ача, ултă хĕр ача. Эпир питĕ туслă, пĕр-пĕрне пулăшатпăр. Класс ертÿçи Татьяна Николаевна Петрова ятлă.  Вăл пире тăван чĕлхен вăрттăнлăхĕпе паллаштарать. Таçта та илсе каять. Нумаях пулмасть эпир оперăпа балет театрĕнче пултăмăр. Хăш чухне класпа бассейăна каятпăр, пирĕн вĕрентекен питĕ вăйлă ишет. Хĕл ларсан, юр нумай çусан пире вăл йĕлтĕрпе ярăнма илсе тухать.

            Эпĕ  Настьăпа ларатăп. Настя лăпкă хĕр ача. Вĕренессе  вăл вăтам вĕренет. Пирĕн класс вĕренÿ енĕпе вăйлах мар, анчах спортпа питĕ  туслă. Уйрăмăнах, Андрей Тихонов, Вадим Иванов, Аркадий Кузьмин. Хĕрачасем те вĕсенчен юлмаççĕ. Акă Аня Аврамова, Настя Порфирьева… Вĕсем спортпа çыхăннă тĕрлĕ секцисене çÿреççĕ, тĕрлĕ ăмăртусенче çĕнтереççĕ. Мана хама ытларах вулама килĕшет. Пушă вăхăтра вара сăвă çыратăп. Акă сире пĕр сăввипе паллаштарасшăн.

                                                            Хĕлле

                                               Иртсе кайрĕ кĕрхи вăхăт

                                               Сисĕнмерĕ, питĕ хăвăрт.

                                               Кулленех халь çĕр çине,

                                               Юр çăвать çине-çине.

                                                                       Олег Павлов, 6-мĕш класс

                                                           Çĕрпÿ районĕ,

                                                            Опытнăй вăтам шкулĕ